Azərbaycanlı miqrantların üzləşdikləri problemlər… – Video + İnfoqrafika

Azərbaycan reallığında işsizlik həddi rəsmi qurumların açıqladığı rəqəmlərdən fərqlidir. Bu üzdən xarici ölkələrə işləməyə gedən insanların sayı çoxluq təşkil edir. Oxşar tendensiya Azərbaycanın Qərb bölgəsində də yaşanır. Müstəqilliyin ilk illərindən fərqli olaraq əhalinin böyük hissəsi artıq MDB ölkələrinə deyil, əsasən Türkiyəyə əmək köçü edir. Bu tip miqrasiya edən şəxslər sözügedən ölkədə əmək istismarına məruz qalır; ucuz işçi qüvvəsi kimi sinifləndirilən şəxslər işəgötürənlərin təkidiylə əmək müqaviləsi imzalamırlar. Belə olan halda onlar hər növ sosial və tibbi təminatdan kənar qalırlar. Bəzən maaşlarını belə vaxtlı-vaxtında ala bilmirlər, soyuq və qaranlıq zirzəmilərdə gecələməyə məcbur olurlar. Dövlətlərarası müqavilələrin olmaması onların həmin ölkədə işləmək üçün icazə almasına maneə törədir.

Adil Mustafayev (ad şərtidir – red.) Qazax rayonunun Daş Salahlı kənd sakinidir, doğulduğu kəndin digər sakinləri kimi – o da dolanışığını Rusiyada və Türkiyədə tikintidə bannalıq etməklə çıxarır.

“Qərb Xəbər”ə müsahibəsində də həmin ölkələrdə özünün birbaşa şahidi olduğu problemlər və imkanlar barədə danışıb.

Qeyd: Qəhrəmanımız tez-tez gömrüyə gedib-gəldiyi üçün üzünün görünməsini istəmədi. Qorxur ki, ölkəyə giriş-çıxışına “stop” qoyular, yaxud güc strukturları tərəfindən incidilə bilər.

Aşağıdakı linkə keçid edərək hazırladığımız (mövzuya uyğun) infoqrafika ilə tanış ola bilərsiniz:

Azərbaycandan kənarda işləyən və yaşayan azərbaycanlı miqrantlar – Infogram