Azərbaycanda “TikTok”a qoyulmuş məhdudiyyət götürülüb

Azərbaycanda “TikTok” sosial şəbəkəsinin fəaliyyəti bərpa olunub.

“Qərb Xəbər” məlumat verir ki, sosial şəbəkənin istifadəçiləri bu gündən platformaya daxil ola biliblər.

Qeyd edək ki, bu ilin sentyabr ayından Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) sosial şəbəkələrdə paylaşım edərkən Azərbaycan qanunvericiliyinin tələblərinə və sosial şəbəkə inzibatçılarının müəyyən etdiyi qayda və şərtlərə riayət edilməsi üçün “TikTok” sosial şəbəkəsinin fəaliyyətinə müvəqqəti məhdudiyyət tətbiq etmişdi.

R.Carçılı