Nə axtarırsınız?
bolgeninsesi 
Ordumuzun bölmələri tərəfindən Azərbaycan-Ermənistan dövlət sərhədində guya atəş açılması və nəticədə Ermənistan silahlı qüvvələrinin hərbi qulluqçusunun vəfat etməsi barədə Ermənistan Müdafiə Nazirliyinin yaydığı məlumat yalandır. Bu barədə Azərbaycan Müdafiə Nazirliyindən bildirilib. “Bu məlumatı qəti surətdə təkzib edirik”, – nazirlikdən qeyd edilib.
Sentyabrın 6-na olan məlumatına əsasən Böyük Qafqazın dağlıq ərazilərindən başlayaraq bəzi yerlərdə şimşək çaxıb, arabir yağış yağıb. Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən xəbər verilib. Bildirilib ki, Balakən-Şəki və Lənkəran-Astara zonasında leysan xarakterli intensiv yağış olub. Yağan leysan yağış nəticəsində Talaçaydan (Zaqatala) sel keçib. Lənkəranda 29 mm (aylıq normanın 49%-i), Astarada … Read more
Tovuzda yol-nəqliyyat hadisəsi baş verib. “Qərb Xəbər” bildirir ki, hadisə rayonun Həzi Aslanov küçəsində qeydə alınıb. Hərəkətdə olan “KIA Srento” markalı minik avtomobilinin sürücüsü idarəetməni itirib. Nəticədə maşın yoldan çıxaraq ağaca çırpılıb. Qəza zamanı sürücü ağır xəsarət alaraq xəstəxanaya yerləşdirilib. Onun vəziyyətinin ağır olduğu bildirilir. Faktla bağlı araşdırma aparılır.
“Azərbaycan Respublikası öz Silahlı Qüvvələrinin döyüş qabiliyyətinin artırılmasına və maddi-texniki bazasının gücləndirilməsinə daim xüsusi önəm verir”. “Qərb Xəbər” bildirir ki, bunu Prezident İlham Əliyevin Dördüncü Azərbaycan Beynəlxalq Müdafiə Sərgisində deyib. “Ölkəmiz hərbi-texniki sahədə dünyanın qabaqcıl dövlətləri ilə əməkdaşlığını inkişaf etdirməklə yanaşı, milli müdafiə sənayesi sahəsində də imkanlarını genişləndirir. Hazırda Azərbaycan aviasiya, naviqasiya, cihazqayırma və digər … Read more
Gədəbəy Rayon Polis Şöbəsinə Çökək Yurd adlanan ərazidə Çanaqçı və Nərimankənd kənd sakinləri olan 3 nəfərə məxsus 46000 manat dəyərində ümumilikdə 41 baş inəyin oğurlanması barədə müraciətlər daxil olub. Bu barədə Daxili İşlər Nazirliyindən məlumat verilib. Polis əməkdaşlarının keçirdikləri əməliyyat-axtarış tədbirləri nəticəsində oğurluqları törətməkdə şübhəli bilinən Şəmkir rayon sakini S.Abdurrəhmanov müəyyən edilərək saxlanılıb. Faktla bağlı araşdırma … Read more
Fövqəladə Hallar Nazirliyi (FHN) tərəfindən görülmüş zəruri və təxirəsalınmaz tədbirlər sayəsində ölkənin şimal-qərb bölgəsində baş vermiş meşə yanğınları tam söndürülüb. Nazirlikdən “Qərb Xəbər”ə bildirilib ki, yanğın nəticəsində, ilkin hesablamaya əsasən, Zaqatala rayonunun Yuxarı Tala kəndi istiqamətində təxminən 35 hektar sahədə, Qəbələ rayonunun Tikanlı kəndi istiqamətində 30 hektar sahədə, Oğuz rayonunun Baş Daşağıl kəndi istiqamətində 12 hektar … Read more
Böyük Britaniyanın xarici işlər naziri Liz Trass hakim Mühafizəkarlar Partiyasının sədri və ölkənin yeni Baş naziri seçilib. “Qərb Xəbər” xəbər verir ki, məlumatı BBC yayıb. Sentyabrın 5-də Mühafizəkarlar Partiyasına yeni lider seçkisi keçirilib. Siyasi təşkilatın sədri vəzifəsi uğrunda Liz Trass və paytaxt Londonun meri Rişi Sunak mübarizə aparıb.
Sentyabrın 4-dən 5-nə keçən gecə Ermənistan silahlı qüvvələrinin bölmələri dövlət sərhədinin Basarkeçər rayonunun Aşağı Şorca və Yuxarı Şorca yaşayış məntəqələri istiqamətində yerləşən mövqelərindən Kəlbəcər rayonunun Yellicə və Zivel yaşayış məntəqələri istiqamətində yerləşən Ordumuzun mövqelərini müxtəlif növ atıcı silahlardan intensiv atəşə tutub. Bu barədə MN məlumat yayıb. Azərbaycan Ordusunun bölmələri tərəfindən görülən adekvat cavab tədbirləri nəticəsində … Read more
Bakıda və Abşeron yarımadasında sentyabrın 6-da havanın dəyişkən buludlu olacağı, arabir tutulacağı gözlənilir. Milli Hidrometeorologiya Xidmətindən verilən məlumata görə, gün ərzində bəzi yerlərdə yağış yağacağı ehtimalı var. Azərbaycanın rayonlarında sabah bəzi yerlərdə şimşək çaxacağı, arabir yağış yağacağı gözlənilir. Əsasən dağlıq və dağətəyi rayonlarda leysan xarakterli intensiv olacağı, dolu düşəcəyi ehtimalı var. Qərb küləyi bəzi yerlərdə … Read more
Baş Dövlət Yol Polisi İdarəsi (BDYPİ) yorğun, yuxusuz və səhhətində problem olan vaxt avtomobil idarə edən sürücülərə müraciət edib. Qurumdan verilən məlumatda deyilir ki, yay mövsümü ilə əlaqədar avtomobil yollarında artan hərəkət intensivliyi fonunda baş verən yol-nəqliyyat hadisələrinin təhlil edilir. Təhlillər deməyə əsas verir ki, hələ də sürücülər arasında yorğun, yuxusuz, hətta səhhətində ciddi problemlər olduğunu … Read more
“Qərb Xəbər” məlumat verir ki, Azərbaycan poeziyasının görkəmli nümayəndəsi, ilk qadın Xalq şairi Mirvarid Dilbazinin anadan olmasının 110 illiyi ilə əlaqədar Qazax rayonunda yubiley tədbiri keçirilib. Tədbirdə çıxış edən “Mirvarid Dilbazi Poeziya Məclisi” İctimai Birliyinin sədri Güllü Eldar Tomarlı Mirvarid Dilbazinin həyat və yaradıcılığından danışıb. Qazax Xeyriyyə İctimai Birliyinin sədri İlham Pirməmmədov çıxış edərək bildirib … Read more
“Tərtər işi” ilə bağlı daha bir neçə nəfər həbs edilib. Bu barədə Baş Prokurorluğun mətbuat xidmətindən məlumat verilib. Qeyd olunub ki, Müdafiə Nazirliyinin Tərtər, Ağdam, Beyləqan rayonları istiqamətində yerləşən hərbi hissələrində xidmət edən bəzi hərbi qulluqçuların qanunazidd əməlləri ilə əlaqədar 2017-ci ilin may-iyun ayları ərzində həmin bölmələrin və digər hərbi hissələrin bir qrup hərbi qulluqçusunun cinayət-prosessual … Read more
Sentyabrın 6-dan 8-i gündüzədək gözlənilən yağışlarla əlaqədar əksər çaylarda sululuğun artacağı gözlənilir. “Qərb Xəbər” bildirir ki, bu barədə Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrologiya Mərkəzinin direktoru Asif Verdiyev məlumat verib. Dağlıq və dağətəyi rayonlarda yağışın intensiv və leysan xarakterli olacağı ilə əlaqədar Böyük Qafqazın Balakən-Şəki, Oğuz-Qəbələ, Quba-Xaçmaz, Kiçik Qafqazın Daşkəsən-Gədəbəy, Goranboy-Göygöl, Qazax-Gəncə … Read more
Şəmkir rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik vasitə əldə edib saxlamaqda şübhəli bilinən Valeh Cəfərov saxlanılıb. “Qərb Xəbər” bildirir ki, bu barədə Daxili İşlər Nazirliyinin Mətbuat Xidməti məlumat yayıb. Bildirilib ki, onun üzərinə baxış keçirilən zaman narkotik vasitə olan “marixuana” aşkar edilib. Saxlanılan şəxsin ətrafında aparılan istintaq-əməliyyat tədbirləri nəticəsində onun … Read more
Şəmkir rayonunda iki qardaş bıçaq xəsarəti alıb. “Qərb Xəbər” məlumat verir ki, rayon sakinləri, 1984-cü il təvəllüdlü Həsənov Vasif Alik oglu və 1981-ci il təvəllüdlü Həsənov Eldar Alik oglu bıçaq xəsarətləri alıblar. Məlumata görə, onlara Bakı şəhərindən Şəmkirə qonaq gələn şəxs xəsarət yetirib. Hadisəyə tərəflərin övladları arasında yaranmış mübahisə səbəb olub. Yaralılar xəstəxanaya yerləşdirilib. Faktla … Read more
Qazax rayonunda ölümlə nəticələnən yol-nəqliyyat hadisəsi olub. “Qərb Xəbər” bildirir ki, hadisə Qazax şəhərində baş verib. Minik avtomobilinin idarəetmədən çıxaraq aşması nəticəsində sürücü, 1975-ci il təvəllüdlü Aslan Məmmədov ağır xəsarətlər alıb. O, xəstəxanaya aparılsa da, öldüyü məlum olub. Faktla bağlı araşdırma aparılır.
Həkimlər payız fəslinin gəlişi ilə depresiyadan qurtulmağın yollarını deyib. Qərb Xəbər “İzvestiya”ya istinadən xəbər verir ki, həkim-ekspert, tibb elmləri namizədi Yekaterina Kaşux iqlimin təsirini minimuma endirməyin yollarını danışıb. O qeyd edib ki, indi ən çətini dənizdən qayıdan insanlardır. Hər şeydən əvvəl, həddindən artıq işləməmək və yeddi-səkkiz saat yatmaq vacibdir. Bundan əlavə, isti geyinmək, qəhvədən sui-istifadə … Read more
Azərbaycan Respublikasının Prezidenti İlham Əliyev xarici KİV-lərin suallarını cavablandırıb. Qərb Xəbər bildirir ki, ölkə başçısı Ermənistana təklif olunan beş bənddən danışıb. “Birincisi ərazi bütövlüyünün tanınması, ikincisi qarşılıqlı olaraq hər hansı ərazi iddialarından imtina, üçüncüsü güc tətbiq etməmək və ya güclə hədələməmək, dördüncüsü sərhədlərin delimitasiya və demarkasiyası, beşincisi kommunikasiyaların açılması. Bunlar Azərbaycan tərəfindən Ermənistana təklif olunmuş beş baza prinsipləridir”, … Read more
“SpaceX” peyk rabitəsinin smartfonlara daşınması üzərində işləyən yeganə şirkət deyil. Belə ki, “Google” da texnologiya ilə bağlı müəyyən planlara malikdir. Üstəlik, internet nəhəgi bu sahədəki naliyyyətlərini tezliklə – Androidin növbəti yenilənməsində təqdim etmək niyyətindədir. İşlər plana uyğun getsə, Android 14 peyk rabitə sisteminə çıxış imkanı ilə öyünə biləcək. Təəssüf ki, şirkət hələlik yeni funksiya ilə … Read more
Azərbaycanda koronavirus (COVID-19) infeksiyasına 437 yeni yoluxma faktı qeydə alınıb, 554 nəfər müalicə olunaraq sağalıb. Nazirlər Kabineti yanında Operativ Qərargahdan “Qərb Xəbər”ə verilən məlumata görə, analiz nümunələri müsbət çıxan 8 nəfər vəfat edib.