Nə axtarırsınız?
bolgeninsesi 
İyulun 9-da xarici işlər naziri Ceyhun Bayramov Amerika Birləşmiş Ştatlarına işgüzar səfərə yola düşüb. XİN-dən Qerbxeber.com verilən xəbərə görə, səfər çərçivəsində, nazir Ceyhun Bayramovun ABŞ-nin paytaxtı Vaşinqton şəhərində keçirilən NATO Zirvə Görüşündə iştirakı, habelə bir sıra yüksək səviyyəli ikitərəfli görüşlərinin keçirilməsi nəzərdə tutulub.
İyulun 9-11-də ABŞ-də keçiriləcək sammitdə NATO dövlətləri Kiyevə yeni maliyyə vədlərini açıqlayacaqlar. Qerbxeber.com xəbər verir ki, bu barədə ABŞ-nin NATO-dakı daimi nümayəndəsi Culian Smit bildirib. “Diqqətimizi Ukrayna üzərində cəmləmişik və bu kursu davam etdirəcəyik. Beləliklə, maliyyə vədlərini gözləyin”, – Smit vurğulayıb.
Amerika hökuməti Ukrayna münaqişəsinə baxmayaraq, Rusiya ilə silahlara nəzarət sahəsində əməkdaşlığın vacibliyini dərk edir. Qerbxeber.com xəbər verir ki, müvafiq bəyanatla dövlət katibinin silahlara nəzarət və beynəlxalq təhlükəsizlik üzrə müavini Bonni Cenkins təhlükəsizlik konfransında çıxış edib. “Rusiya hələ də Ukraynadadır. Lakin silahlara nəzarət sahəsində əməkdaşlığın əhəmiyyəti dəyişməz olaraq qalır”, – Cenkins qeyd edib.
ABŞ Prezidenti Co Bayden ABŞ-də NATO sammiti çərçivəsində Ukrayna Prezidenti Volodimir Zelenski və Böyük Britaniyanın yeni Baş naziri Key Starmerlə görüşlər keçirəcək. Qerbxeber.com xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə məlumat yayıb. Kirbi qeyd edib ki, bu, Baydenin Starmerlə ilk görüşü olacaq.
Bu gün ABŞ-nin Beynəlxalq İnkişaf Agentliyinin (USAID) rəhbəri Samanta Pauer Ermənistana səfər edib. Qerbxeber.com Ermənistan mətbuatına istinadən xəbərinə görə, bu barədə qurumun Ermənistandakı missiyasından məlumat verilib. Bildirilib ki, iyulun 11-dək davam edəcək səfər çərçivəsində sözügedən qurumun bu ölkəyə humanitar, psixo-sosial, eləcə də islahatların təşviqinə dəstəyi müzakirə olunacaq.
NATO Hind-Sakit okean regionuna genişlənmir. Qerbxeber.com xəbər verir ki, bu barədə ABŞ Milli Təhlükəsizlik Şurasının Avropa məsələləri üzrə direktoru Maykl Karpenter jurnalistlər üçün təşkil olunan brifinqdə bildirib. “NATO Hind-Sakit okean regionuna genişlənmir, üzvlük prosesi yoxdur, NATO-nun bütün müdafiə və çəkindirici vasitələri NATO müttəfiqlərinin ərazisində Avro-Atlantik məkandadır”, – Maykl Karpenter qeyd edib.
Rusiyanın Ukraynanın müxtəlif ərazilərinə endirdiyi aviazərbələr nəticəsində ölənlərin sayı 33 nəfərə çatıb. Qerbxeber.com Ukrayna KİV-ə istinadən xəbər verir ki, bu barədə ölkənin Fövqəladə Hallar Xidməti məlumat yayıb. Məlumata görə, hadisə nəticəsində 140 nəfər yaralanıb.
Macarıstan Ukrayna ilə Rusiya arasında vasitəçilik rolunu oynaya bilməz. Qerbxeber.com Ukrayna mətbuatına istinadən xəbərinə görə, bu barədə Ukrayna Prezidenti Vladimir Zelenski bildirib. Onun sözlərinə görə, bu missiyanı üzərinə yalnız ABŞ, Çin və Avropa İttifaqı götürə bilər. Qeyd edək ki, Macarıstanın Baş naziri Viktor Orban iyulun 2-də Ukraynada səfərdə olub. Daha sonra Rusiyaya səfər edib.
Ermənistanın baş naziri Nikol Paşinyan həftəsonu Azərbaycanın Qazax və Tovuz rayonlarıyla sərhəddə yerləşən Tavuş vilayətinə səfəri zamanı “Kirants” adlanan kənddə olub. O, Azərbaycanla Ermənistan arasındakı tikanlı məftilləri seyr edib. Qerbxeber.com Musavat.com-a istinadən xəbər verir ki, Paşinyan bu haqda özünün telegram-kanalında video paylaşıb və yazıb ki, Kirantsa çəkilən yeni yol tezliklə hazır olacaq. Məlumata görə, səfər … Read more
Qarşıda hədəflərimiz çoxdur. Ölkəmizin suverenliyinə qarşı təhdidlərin aradan qaldırılması əsas prioritetdir. Qerbxeber.com xəbər verir ki, bu barədə xarici işlər naziri Ceyhun Bayramov jurnalistlərə açıqlamasında bildirib. Onun sözlərinə görə, həm ikitərəfli, həm də çoxtərəfli platformalarda Azərbaycanın milli maraqlarına cavab verən siyasət təmin edilir. XİN rəhbəri Ermənistanla münasibətlərin normallaşması prosesinin hazırkı vəziyyəti barədə də danışıb: “Mütəmadi olaraq … Read more
Qafqaz Müsəlmanları İdarəsi Qazılar Şurasının Məhərrəm ayının başlanması ilə əlaqədar müraciət yayıb. Qerbxeber.com məlumatına görə, müraciətdə deyilir: “Qafqaz Müsəlmanları İdarəsinin Qazılar Şurası və səlahiyyətli nümayəndələri müsəlman qardaş və bacılarımızın nəzərinə çatdırır ki, Azərbaycan Respublikası Elm və Təhsil Nazirliyi Nəsrəddin Tusi adına Şamaxı Astrofizika Rəsədxanasının rəsmi hesablamalarına görə Hicri-qəməri təqvimi ilə 1445-cü il başa çatır, yeni … Read more
İranda prezident seçkilərinin ikinci turunda bülletenlərin yoxlanılması başa çatıb. Səsverənlərdən şikayətçi olmayıb. Qerbxeber.com İRNA-a istinadən xəbər verir ki, İran İslam Respublikası Konstitusiyasının Keşikçilər Şurası seçkilərin nəticələrini təsdiqləyib. Nəticələr İran İslam Respublikasının rəhbəri Ayətullah Əli Xameneiyə təqdim olunacaq. Xatırladaq ki, iyulun 5-də keçirilən prezident seçkilərinin ikinci turunda Azərbaycan türkü, islahatçı Məsud Pezeşkian rəqibi Səid Cəliliyə qalib gələrək, … Read more
Çin dövlət başçısı Si Cinpin Pekində Macarıstanın Baş naziri Viktor Orban ilə görüşüb. Qerbxeber.com xəbər verir ki, bu barədə Çinin Mərkəzi Televiziyası məlumat yayıb. Məlumatda Çinin dövlət başçısı Si Cinpinin iyulun 8-də səhər saatlarında Pekindəki Diaoyutai dövlət iqamətgahında Macarıstanın baş naziri Orban ilə görüşdüyü bildirilir. Qeyd edək ki, Orban Çində rəsmi səfərdədir. O iyulun 5-də, … Read more
ABŞ hökuməti Nigerin paytaxtı Niameydəki bazadan hərbi personalın çıxarılmasını başa çatdırıb. Qerbxeber.com xəbər verir ki, bu barədə “Frans Press“ agentliyi məlumat yayıb. Məlumatda ABŞ hərbi qüvvələrinin və texnikasının 101-ci Hərbi Hava Qüvvələrinin Bazasından çıxarılmasının başa çatdığı bildirilir. Bundan əlavə, sentyabrın ortalarına qədər Pentaqon öz əsgərlərini Nigerin şimalındakı Aqadez şəhərindən çıxarmalıdır. Nəşr qeyd edib ki, 766 … Read more
Rusiya prezidenti Vladimir Putin Moskvada Rusiya Federasiyasına rəsmi səfərə gələn Hindistanın baş naziri Narendra Modi ilə görüşəcək. Qerbxeber.com TASS-a istinadən xəbər verir ki, Hindistanın baş nazirinin səfərinin iki gün; 8-9 iyul tarixində baş tutması planlaşdırılır. Kremldən verilən yazılı açıqlamada səfər əsnasında hər iki ölkə liderinin ölkələrinin gələcək inkişafını, ənənəvi dost Rusiya-Hindistan münasibətlərini müzakirə etməyi planlaşdırdıqları … Read more
HƏMAS-ın hərbi qolu olan “İzzəddin Əl-Qəssam Briqadaları” İsrailin oktyabrın 7-dən bəri hücumlarını davam etdirdiyi Qəzza zolağında təlim keçmiş minlərlə yeni döyüşçünün silahlandırılaraq xidmətə başladığını açıqlayıb. Qerbxeber.com xəbər verir ki, briqadaların sözçüsü Əbu Übeydə yayımlanan videomüraciətdə “Müharibənin davam etdiyi bu müddət ərzində pusqu qurma, bomba və raket istehsalı kimi müxtəlif təlimlər verərək minlərlə yeni döyüşçünün xidmətə … Read more
Fransada keçirilən növbədənkənar parlament seçkilərinin ikinci turunun nəticələrinə görə, siyasi bloklardan heç biri 289 mandatın mütləq əksəriyyətini əldə edə bilmir. Qerbxeber.com xəbər verir ki, bununla bağlı BFMTV-nin təqdim etdiyi məlumatlarda bildirilir. Belə ki, “Yeni Xalq Cəbhəsi” solçu alyansı Fransada növbədənkənar parlament seçkilərinin ikinci turunda Milli Assambleyada (parlamentin aşağı palatası) 175-dən 205-ə qədər yer qazanaraq liderlik … Read more
Böyük Britaniyanın Müdafiə Nazirliyinin yeni rəhbəri “Brimstone” raketlərinin Ukraynaya tədarükü ilə bağlı məlumat verib. Qerbxeber.com TASS-a istinadən xəbər verir ki, Böyük Britaniya əlavə olaraq Ukraynaya 90 dəqiq idarə olunan “Brimstone” raketi, 10 AS-90 özüyeriyən artilleriya qurğusu və iki yüz əlli min də döyüş sursatı verəcək. Bunu Böyük Britaniyanın yeni müdafiə naziri Con Hili Odessaya səfəri … Read more
Türkiyə prezidenti Rəcəb Tayyib Ərdoğan 9-11 iyul tarixlərində baş tutacaq NATO Liderlərinin Zirvə toplantısında iştirak etmək üçün ABŞ-a gedəcək. Qerbxeber.com Anadolu Agentliyinə istinadən xəbər verir ki, Ərdoğan toplantıda bir sıra dövlət və hökumət başçıları ilə görüşlər keçirəcək. Qeyd edək ki, Ərdoğan bundan əvvəl Şanxay Əməkdaşlıq Təşkilatının Dövlət və Hökumət Başçılarının Zirvə toplantısında iştirak etmək üçün Qazaxıstanın … Read more
Son sutka ərzində Qəzza zolağında 55 fələstinli ölüb, daha 123 nəfər yaralanıb. Qerbxeber.com xəbərinə görə, bu barədə Qəzzadakı səhiyyə qurumu məlumat yayıb. Beləliklə, İsrail Ordusunun 2023-cü ilin oktyabrından Qəzza zolağında həyata keçirdiyi əməliyyatlar nəticəsində ölənlərin sayı 38 153 nəfərə, yaralananların sayı 87 828 nəfərə çatıb.