“Açıq mikrofon” Tovuzdadır

SOCAR “Azəriqaz” İB-nin təşkilatçılığı və KOBİA-nın iştirakı ilə keçirilən “Açıq mikrofon” aksiyası bu dəfə Tovuz rayonunda fəaliyyət göstərən sahibkarların ixtiyarında olub.

Görüşdə çıxış edən Şəmkir RQİİ-nin rəisi hər dəfə olduğu kimi sahibkarları dinləməyə hazır olduqlarını bildirib. KOBİA-nın nümayəndəsi isə agentliyin qapılarının hər zaman sahibkarlara açıq olduğunu vurğulayıb.
Məlumata görə, daha sonra mikrofon sahibkarların ixtiyarına verilib.

Sahibkarlar uçotu pozulmuş təbii qaz sərfiyyatının silinməsini, nasaz vəziyyətdə olan qaz sayğacının yenisi ilə əvəzlənməsini xahiş ediblər. “Səyyar qəbul otağı”nda sahibkarlarla yanaşı, sakinlər də müraciətlərini ünvanlayıblar.