ABŞ-ın bu addımı Çini qəzəbləndirdi

Son illərdə ABŞ Çinin çip istehsalı və süni intellekt sənayesinə bir sıra məhdudlaşdırıcı tədbirlər tətbiq edib ki, bu da ölkədə yüksək texnologiyalı sənayelərin inkişafını boğmaq cəhdi kimi qiymətləndirilə bilər.

Qerbxeber.com xəbər verir ki, bu barədə Çin Xalq Respublikasının Ticarət Nazirliyi məlumat yayıb.

Məlumata görə, Pekin şikayət edib ki, bu cür proteksionist və ayrı-seçkilik Çinin öz maraqlarına zərər verir və qlobal yarımkeçirici istehsalı və tədarük zəncirinin sabitliyinə xələl gətirir.

Etiraz Vaşinqtona ABŞ-da istehsal olunan bəzi analoq mikrosxemlərin idxalı ilə bağlı antidempinq araşdırmasının başlanması fonunda edilib.

Bildirilir k, yaxın günlərdə Çin Dövlət Şurasının Baş nazirinin müavini He Lifeng Çin nümayəndə heyətinin başçılığı ilə İspaniyaya səfər edəcək. Orada digər tədbirlərlə yanaşı, o, Amerika tərəfi ilə ticarət, tariflər və Tiktok platforması ilə bağlı danışıqlar aparacaq.