ABŞ prezidenti Donald Trampın administrasiyası əvvəlcə dəstəyi davam etdirəcəyinə söz verdiyi bir neçə ölkə üçün yardım proqramlarını kəsib.
Qerbxeber.com xəbər verir ki, bu barədə “The New York Times“ (NYT) qəzeti rəsmilərə istinadən məlumat yayıb.
Bu siyahılara əsasən, ABŞ Əfqanıstan, İordaniya, Yəmən, İraq, Konqo Demokratik Respublikası, Livan, Madaqaskar, Mali, Niger, Nigeriya, Suriya, Somali, Çad və Ekvadorda proqramların maliyyələşdirilməsini dayandıracaq.
Aprelin 9-da “Reuters“ agentliyi mənbələrə istinadən xəbər verib ki, Ağ Ev daha sonra Livan, Suriya, Somali, İordaniya, İraq və Ekvadorda Ümumdünya Ərzaq Proqramına (ÜƏP) ödənişləri bərpa etmək qərarına gəlib.
Ümumdünya Ərzaq Proqramı hesab edir ki, Vaşinqtonun yardım göstərməkdən imtina etməsi ən çox 2 milyon insanın, o cümlədən 400 min uşağın ərzaq təminatından asılı olduğu Əfqanıstana təsir edəcək.
Bundan başqa 2,4 milyon insanın humanitar proqramlar vasitəsilə qida aldığı Yəmən əhalisi də əziyyət çəkəcək.
