Tramp: “ABŞ İranla əlavə danışıqlar aparacaq “

ABŞ İranın nüvə proqramı ilə bağlı əlavə danışıqların keçirilməsini gözləyir.

Qerbxeber.com-un TASS-a istinadən verdiyi məlumata görə, bu barədə ABŞ Prezidenti Donald Tramp jurnalistlərlə söhbəti zamanı bildirib.

D.Tramp qeyd edib ki, Vaşinqton İran tərəfinin ABŞ-nin irəli sürdüyü tələblərlə razılaşmamasından narazıdır:

“Bu gün əlavə danışıqlar keçiriləcək”, – deyə o vurğulayıb.

Xatırladaq ki, yanvarda ABŞ Tehran danışıqlardan yayınacağı və nüvə silahından tam imtina etməyəcəyi təqdirdə güc tətbiqinə hazır olduğunu bəyan edib. İran isə atom bombası yaratmaq niyyətində olmadığını dəfələrlə bildirib.

Pentaqon Yaxın Şərqdə, o cümlədən iki aviadaşıyıcı zərbə qrupu daxil olmaqla, əhəmiyyətli qüvvələr cəmləyib. ABŞ administrasiyası fevralın 19-da İranla razılaşma üçün maksimum 15 gün vaxt ayırdığını açıqlayıb.