Macarıstan Rusiya ilə enerji əməkdaşlığını davam etdirmək isdəyir

Macarıstan Moskva il ilə enerji sahəsində əməkdaşlığı davam etdirmək istəyir və Avropa Komissiyasının 2027-ci ilin sonuna qədər Rusiyadan neft və qaz tədarükündən imtinanı nəzərdə tutan planını öz iqtisadiyyatı üçün son dərəcə zərərli hesab edir.

Qerbxeber.com xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto rusiyalı həmkarı Sergey Lavrovla telefon danışığı zamanı bildirib.

Nazir vurğulayıb ki, Rusiya ilə enerji sahəsində əməkdaşlıq Macarıstan iqtisadiyyatı üçün hələ də mühüm əhəmiyyət kəsb edir və bu əməkdaşlıqdan imtina ölkə şirkətləri və vətəndaşları üçün ciddi xərc artımı demək olacaq.