Orqanizmin dili-Səssiz,amma çox aydın mesajlar!-Elnur Nemətov
Bədənimiz danışmağı bacarır — sadəcə sözlə yox, simptomlarla, hisslərlə, hal dəyişikliyi ilə. İçimizdə hər gün bir dialoq baş verir. Sadəcə onu eşitməyə hazır olmalıyıq:
Mədən köpürsə — “Mənə uyğun olmayan bir şey yedin,” deyir.
Hıçqırırsansa — “Bəlkə çox tez-tez, stress içində udursan havanı?”
Gözlərin xumarlanırsa — “Artıq yorulmuşam, bir az yavaşla…”
Əsnəyirsənsə — “Oksigenim azdır, nəfəsim çatmır…”
Başın gicəllənirsə — “Qan dövranımda nəsə qaydasında deyil.”
Gözlərin qaralırsa — “Təzyiqin, şəkərin və ya qidalanman balanssızdır.”
Tez-tez əsəbləşirsənsə — “Hormonlarım pozulub, mən gərginəm.”
Gəyirirsənsə — “Mədəmdə artıq qaz, ya da qıcıqlanma var.”
Bu əlamətləri daha da çox sadalamaq olar. Onlar sadəcə keçici narahatlıqlar deyil — orqanizmin danışıq dilidir.
Bu dili başa düşmək üçün nə mürəkkəb biliklərə, nə də həkim olmağa ehtiyac var. Sadəcə özünə diqqət yetirmək kifayətdir.
Əsas olan: Sağlam qidalanma ilə bu “şikayətləri” harmoniyaya çevirməkdir.
Düzgün qidalanma ilə bədən artıq bizi incitmir — əksinə, bizə enerji, gümrahlıq və sakitlik bəxş edir.
O zaman orqanizmin dili dəyişir:
Şikayət yox, təşəkkür edir.
Ağrı yox, rahatlıq verir.
Yorğunluq yox, canlılıq bəxş edir.
YADDA SAXLAYAQ:
Orqanizmin dilini anlayan — sağlamlığın sirrini öyrənmiş olur.
Bədən heç vaxt susmur — o, hər zaman bizim xeyrimizə danışır.
Tüm ifadeler:
Valeh Dadaş, Гасанов Фахраддин ve 12 diğer kişi
