Üç ölkənin XİN-i Kobaxidzenin sözlərini təkzib etdi

Rumıniya, İtaliya və İspaniyanın xarici işlər nazirlikləri Gürcüstanın baş naziri İrakli Kobaxidzenin ötəngünkü açıqlaması ilə bağlı bəyanat yayıblar.

Qerbxeber.com  Teleqraf.com-a istinadla xəbər verir ki, hər üç bəyanatda hökumət başçısının Avropa İttifaqının (Aİ) Xarici İşlər Nazirləri Şurasının toplantısı barədə sözləri təkzib edilib.

Bildirilib ki, toplantıda hər üç ölkə Gürcüstanla bağlı sanksiya qərarına dəstək ifadə edib. Bununla yanaşı, Rumıniya, İtaliya və İspaniya Gürcüstanın Avropa İttifaqı ilə dialoqla bağlı qərarından ciddi narahatlıqlarını bildiriblər.

Qeyd edək ki, ötən gün İ.Kobaxidze bildirib ki, Aİ Xarici İşlər Nazirləri Şurasının toplantısında beş ölkə Gürcüstana qarşı sanksiyaların əleyhinə olub. O, həmin ölkələrin Macarıstan, Slovakiya, İtaliya, İspaniya və Rumıniya olduğunu söyləyib.

Dekabrın 16-da baş tutmuş toplantıda Gürcütanın diplomatik pasport sahibləri üçün vizasız rejimin dayandırılmasının zəruriliyi barədə razılığa gəlinib.