Tehranda etirazlar başladı – VİDEO
Tehranda etiraz aksiyaları başlayıb.
Anadolu Agentliyi xəbər verir ki, paytaxtdakı Əmir Kəbir Üniversitetinin önündə İranın vurduğu Ukrayna Hava Yollarına aid sərnişin təyyarəsində həyatını itirən insanların xatirəsinə təşkil olunan aksiyada rejim əlehinə şüarlar səsləndirilib.
Etirazlarda “Diktatora ölüm!”, “Yalançılara istefa!”, “Silahlı Qüvvələrin Ali Baş Komandanına (Ayətullah Əli Xameneyi) istefa!”, “SEPAH utan, ölkəni rahat burax!”, “Mənə fitnəçi demə, fitnəçi sən özünsən” şüarları səsləndirilib.
İran polisi səsləndirilən şüarlardan sonra izdihama müdaxilə edib. Polis aksiya yerinə gedən yolları bağlayıb və vətəndaşların o tərəfə doğru getməsinə icazə verməyib.
Bu gün paylaşılan digər xəbərlər
Bu gün heç bir yeni xəbər yayımlanmadı