ABŞ və Filippin 16 min hərbçinin iştirakı ilə təlimlərə başlayıb
ABŞ və Filippin Cənubi Çin Dənizində (SCS) artan gərginlik fonunda illik “Balikatan 2024” hərbi təlimlərinə başlayıb.
Qerbxeber.com xəbər verir ki, bu barədə “ABS-CBN News” məlumat yayıb.
“Məqsəd həqiqətən müharibəyə hazırlaşmaqdır. Burda gizlədilməli heç nə yoxxdur.Ordunu hazırlamasaq, bu, ölkəyə xələl gətirəcək”, – deyə “Balikatan 2024” ün sözçüsü Maykl Lokiqo bildirib.
Filippin əsgəri qeyd edib ki, təlim ilk dəfə Filippin ərazi sularından kənarda, sahil zolağından təxminən 22 km aralıda keçiriləcək.
“ABS-CBN News” həmçinin ABŞ-nin Filippində “SM-6” zenit raketlərini yerləşdirdiyini, lakin onun təlim zamanı istifadə edilməyəcəyini bildirib.
Təlim Filippinin şimalında, Tayvana 300 km-dən az məsafədə yerləşən Caqayan və Batanes əyalətlərində keçiriləcək.
