Dövlət Departamenti: ABŞ hər iki dövləti uzunmüddətli razılaşma əldə etməyə çağırır
ABŞ Azərbaycan və Ermənistanı uzunmüddətli razılaşma əldə etməyə çağırmaqda davam edir.
Qerbxeber.com xəbər verir ki, bu barədə ABŞ Dövlət Departamentinin mətbuat katibi Metyu Miller brifinqdə deyib.
Miller Azərbaycan və Ermənistan xarici işlər nazirlərinin görüşü ilə bağlı bunları deyib:
“Heç bir elanım yoxdur, lakin biz hər iki tərəfi uzunmüddətli razılaşma əldə etməyə təşviq etməyə davam edirik”, – deyə o bildirib.
Qeyd edək ki, Azərbaycan və Ermənistan xarici işlər nazirlərinin növbəti görüşü fevralın 28-29-da Berlində keçiriləcək.
