Azərbaycanda sentyabr ayına olan hava proqnozu açıqlanıb.
“Qərb Xəbər” bildirir ki, Milli Hidrometeorologiya Xidmətindən verilən məlumata görə, sentyabr ayında havanın orta aylıq temperaturunun iqlim normasına yaxın olacağı gözlənilir.
Aylıq yağıntının miqdarı əsasən iqlim normasına yaxın, bəzi yerlərdə isə bir qədər çox olacağı ehtimal olunur.
Avqust ayının ilk gülərində ölkə ərazisində hava şəraitinin sabit, əsasən yağmursuz keçəcəyi, lakin 5-8-də xəzri küləyinin güclənəcəyi, arabir yağış yağacağı gözlənilir.
Gədəbəy rayonunda havanın orta aylıq temperaturunun 14-18 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 9-14 dərəcə isti, gündüzlər 16-21 dərəcə isti, ayın ilk günlərində 23-28 dərəcə isti olacağı gözlənilir. Aylıq yağıntının miqdarı iqlim normasına yaxın olacağı gözlənilir (norma 34-50 mm).
Qazax, Gəncə, Ağstafa rayonlarında havanın orta aylıq temperaturunun 20-23 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 16-21 dərəcə isti, gündüzlər 23-28 dərəcə isti, ayın ilk günlərində 32-36 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 17-44 mm).