Üsyanı Putin təşkil etmişdi, məqsədi budur – Sneqirev
Əslində “Vaqner” lideri Yevgeni Priqojin üsyan etməyib. Bu, sadəcə olaraq Rusiya xüsusi xidmət orqanları tərəfindən təşkil edilmişdi.
“Qərb Xəbər” xəbər verir ki, bunu ukraynalı hərbi ekspert Dmitri Sneqirev deyib.
O bildirib ki, Rusiya Prezidenti Vladimir Putin bu üsyandan ordunu təmizləmək üçün istifadə edərək əsl hərbi müxalifəti məhv etdi:
“İndi Rusiya ordusunda 1937-39-cu illəri xatırladan ümumi təmizləmə gedir. Yəni bu, demək olar ki, bütün rus generalları arasında aparılır”.
Ekspertin sözlərinə görə, Yevgeni Priqojinin Rusiya-Afrika forumunda çıxışı da təsadüfi deyildi:
“Bu, Rusiyanın “Vaqner” və digər belə şirkətlərdən istifadə edərək, Afrika ölkələrində mövcudluğunu davam etdirəcəyinə dair bir siqnalıydı”.
