“Taliban” Qəndəhar və Gilmənddə bütün təhsil müəssisələrini bağlayıb
Əfqanıstanda hakimiyyəti ələ keçirmiş radikal “Taliban” hərəkatının yaratdığı müvəqqəti hökumətin Təhsil Nazirliyi ölkənin cənubunda yerləşən Qəndəhar və Gilmənd əyalətlərində fəaliyyət göstərən bütün təhsil müəssisələrini bağlayıb.
“Qərb Xəbər” TASS-a istinadən xəbər verir ki, təhsil müəssisələrinin işinin müvəqqəti dayandırılmasına səbəb kimi “təlim planlarının və tədris fəaliyyətinin yoxlanılması” göstərilib.
Nazirlik araşdırma aparmaq üçün Qəndəhar və Gilməndə xüsusi komissiyalar göndərib.
