Fuad Bədəlov “Azərbaycan Xalq Cümhuriyyətinin 100 illiyi” yubiley medalı ilə təltif edilib

Dünən Şəmkir Rayon İcra Hakimiyyətinin başçısı Alimpaşa Məmmədov yubiley medalını rayonun fəal gənclərinin də iştirak etdiyi tədbirdə Fuad Bədəlova təqdim edib.

Fuad Bədəlov medalın ona təqdim olunmasını Qarabağ müharibəsi veteranlarına verilən qiymət, göstərilən böyük etimad kimi dəyərləndirib: “Azərbaycan Xalq Cümhuriyyətinin adını daşıyan medala layiq görülməyim təkcə mənə yox, eyni zamanda, Qarabağ qazilərinə yüksək dəyər və qiymətin bariz nümunəsidir. “Azərbaycan Xalq Cümhuriyyətinin 100 illiyi (1918-2018)” medalına layiq görülmək böyük şərəfdir. Buna görə cənab Prezident İlham Əliyevə öz adımdan və bütün Qarabağ müharibəsi iştirakçıları adından səmimi minnətdarlığımı bildirirəm”.

Qeyd edək ki, Fuad Bədəlov Azərbaycan Respublikasının ərazi bütövlüyü uğrunda gedən döyüşlərdə iştirak edib, 2-ci qrup Qarabağ müharibəsi əlilidir.

Şəmkir Rayon İcra Hakimiyyəti başçısı yanında İctimai şuranın sədridir.