Natavan qəsəbəsində məktəb və məktəbəqədər müəssisələr yoxdur

1988-ci il Dövlət Planı əsasında salınan Gəncə şəhəri Natavan qəsəbəsində heç bir infrastruktur layihəsi həyata keçirilməyib. 35 ildir qəsəbədə nə məktəb, nə uşaq bağçası, nə də tibb məntəqəsi var.

“Qərb Xəbər” bildirir ki, 8 min əhalisi olan qəsəbədə əhali öz övladlarını Gəncənin digər məktəblərinə, qonşu Samux rayonunun məktəblərinə və uşaq bağçalarına göndərir.

Dəfələrlə aidiyyatı qurumlara müraciət etsələr də qəsəbə sanki “tilsimlənmiş” bir yerə çevrilib.

24 fevral 2023-cü il tarixində Gəncə Regional İcma Mərkəzinin dəstəyi ilə Natavan İcmasının təşkil etdiyi İctimai Müzakirə məhz Natavan qəsəbəsinin problemlərinə həsr olunub.

Natavan qəsəbəsində “məktəb və məktəbəqədər müəssisələrin olmaması problemi” mövzusunda keçirilən ictimai müzakirənin əsas məqsədi hakimiyyət orqanları, vətəndaş cəmiyyətinin nümayəndələri, media təmsilçiləri və Natavan qəsəbəsinin bir qrup sakinləri iştirak etmişlər.