Avropa Parlamentinin qətnaməsində Bidzina İvanişviliyə qarşı sanksiyaların tətbiqinə baxılması tələb olunur

Avropa Parlamentinin qətnaməsində Bidzina İvanişviliyə qarşı sanksiyaların tətbiqinə baxılması tələb olunur.

“Qərb Xəbər” “InterPress.ge”yə istinadən xəbər verir ki, Avropa Parlamentinin qətnaməsində oliqarx Bidzina İvanişvilinin şəxsi vendettasının bir hissəsi kimi Mixail Saakaşvilinin həbsində əsas rolu vurğulanır.

“Qətnamə bir daha Avropa Şurasını və demokratik tərəfdaşları Gürcüstanda siyasi proseslərin pisləşməsində roluna görə İvanişviliyə qarşı şəxsi sanksiyaların tətbiqi məsələsini nəzərdən keçirməyə çağırır”, – qətnamədə deyilir.

Avropa Parlamenti Gürcüstanın keçmiş prezidenti Mixail Saakaşvilinin səhhətinin vəziyyəti ilə bağlı qətnamə qəbul edib. 577 deputat qətnaməni dəstəkləyib, 33 deputat əleyhinə səs verib, 26 deputat isə bitərəf qalıb.