15 erməni əsgər Azərbaycanla sərhəddə yandı

Bu gecə, saat 01:30 radələrində Ermənistanın Göyçə mahalının Azad kəndi yaxınlığında yerləşən hərbi hissələrindən birində yanğın baş verib.

“Qərb Xəbər” bildirir ki, hadisə nəticədə 15 əsgər ölüb, 3-ü yanıq xəsarətləri alıb.

Yanğının Ermənistan Müdafiə Nazirliyinin N saylı hərbi hissəsinin Azad kəndi ərazisində yerləşən mühəndis-istehkamçı rotasının sığınacağında olduğu bildirilir.

Yanğın baş verən hərbi hissə Azərbaycan sərhədinə yaxın ərazidə yerləşir.

Yanğının hansı səbəbdən baş verdiyi haqda heç bir məlumat yoxdur.