Beynəlxalq Festivalda 𝐒̧ə𝐦𝐤𝐢𝐫 𝐦ə𝐤𝐭ə𝐛𝐥𝐢𝐥ə𝐫𝐢 𝟏-𝐜𝐢 𝐨𝐥𝐝𝐮𝐥𝐚𝐫

Bakı şəhərində Elm və Təhsil Nazirliyinin dəstəyi ilə “SAF 2022 – Beynəlxalq STEAM Azərbaycan Festivalı” keçirilib.

“Qərb Xəbər“ bildirir ki, festifalda Şəmkiri təmsil edən “Smoothy life” komandası “İnklüziv məktəb şəhərciyi” layihəsi ilə 8 ölkə arasından birinci yerin qalibi olub.

“Smoothy life” komandası Şəmkir kənd tam orta məktəbinin şagirdlərindən ibarətdir və o məktəbdə steam tədris olunmur, şagirdlər xüsusi maraq göstərib yarışda iştirak edib, qalib olublar.

Qeyd edək ki, festivalın keçirilməsində məqsəd STEAM əsaslı tədrisin təşviqi, şagirdlər arasında XXI əsr bacarıqlarının inkişaf etdirilməsi, yaradıcı, rəqəmsal texnologiya biliciləri olan təhsilalanların müəyyənləşdirilməsi, innovasiyalar və rəqəmsallaşma üzrə beynəlxalq təcrübənin öyrənilməsindən ibarətdir.

Şagirdlərimizi təbrik edir, onlara gələcək fəaliyyətində uğurlar arzulayırıq.