Qazax Dövlət Dram Teatrının 85-ci mövsümünün açılışı olub

Qazax Dövlət Dram Teatrı xalq yazıçısı Elçinin “Cəhənnəm Sakinləri ” dramı ilə 85-ci Teatr mövsümünü açıb.
Öncə səhnəyə teatrın direktoru Saqif İskəndərov və Mədəniyyəy İqtisadi Həmkarları itifaqının Qazax rayonu üzrə sədri İsgəndər Qurbanov çıxıb. Vətən müharibəsi qəhrəmanları bir dəqiqəlik sükutla yad ediliblər. Ardınca tamaşa haqqında qısa məlumat verilib və səhnə əsərinin başlanması elan edilib.

Tamaşanın quruluşçu rejissoru teatrın Baş rejissoru, əməkdar artist Musa Eyyubov, rəssamı Afiq Məmmədovdur. Rolları aktyorlar Aydın Orucov, İlqar Hacəliyev , Nazilə Məmmədova, Nəsimi Aşpazov və Rüfət Eminalıyev canlandırıblar. Səhnə əsəri teatrsevərlər tərəfindən alqışla qarşılanıb. Vüsalə Kərimova. Ülviyyə Həsənova. Qərb Xəbər