“Counter Strike” üzrə rayon turniri başa çatıb

Bu gün Qazax Gənclərin İnkişaf və Karyera Mərkəzinin təşkilatçılığı ilə keçirilən “Counter Strike” kompüter oyunu üzrə rayon turniri başa çatıb.

“Bölgənin Səsi” xəbər verir ki, ikinci yarış günündə ilk olaraq yarımfinal görüşləri baş tutub.

“Nobelium” komandası “Tornado”ya 10:5 hesabı ilə qalib gələrək adını finala yazdırıb. Onların həlledici oyundakı rəqibi “ICE E-sport” kollektivi olub. Adıçəkilən komanda isə yarımfinalda “Tega”nı üstələyib – 10:4. “ICE E-sport” finalda “Nobelium”u 10:7 hesabı ilə məğlubiyyətə uğradaraq turnirin qalibi adını qazanıb. Yarışda üçüncü yerin sahibi isə “Tega” üzərində texniki qələbə qazanan “Tornado” komandası olub.

Qeyd edək ki, Qazax Gənclər Mərkəzində reallaşan yarışda 9 komandanın tərkibində 40-a qədər gənc iştirak edib.