Tovuzda avtoservis yanıb
Tovuzda yanğın hadisəsi baş verib.
“Qərb Xəbər”in məlumatına görə, hadisə şəhərin Heydər Əliyev prospektində qeydə alınıb.
Sözügedən ünvanda yerləşən Elburus Həsənova məxsus avtomobil təmiri sexində anidən yanğın olub. Hadisə yerinə FHN-nin yanğınsöndürən texnikası və canlı qüvvəsi cəlb olunub. Yanğın zamanı 200 kvadrat metrlik 3 boksun 150 kvadrat metri, həmçinin təmir sexində olan “Mercedes” markalı mikroavtobus və “Renault Megane” markalı minik avtomobili yanıb. Təmir sexinin qalan hissəsi yanğından mühafizə edilib.
Hadisənin səbəbləri araşdırılır.
Bu gün paylaşılan digər xəbərlər
Bu gün heç bir yeni xəbər yayımlanmadı