“Tesla Cybertruck” nə zaman satışa çıxarılacaq?

“Tesla”nın rəhbəri İlon Mask “Cybertruck” elektrik pikapının kütləvi istehsala buraxılma vaxtını açıqlayıb.

Eyni zamanda, milyarder yeni modelin son versiyası ilə bağlı heç bir texniki detalı açıqlamayıb.

Qərb Xəbər bildirir ki, Maskın sözlərinə görə, şirkət “Cybertruck”ın kütləvi istehsal versiyasının hazırlanmasını 2022-ci ilin sonuna qədər başa çatdırmağı planlaşdırır. Gələn il isə elektrik pikap konveyerə buraxılacaq.

Qeyd edək ki, modelin son versiyasının necə olacağı hələlik məlum deyil. Elektromobilin ilk prototipləri primitiv bucaqlı dizaynına görə tənqid edilib.