Rus hərbçilərindən dəhşətli hücum: 70 Ukrayna döyüşçüsü öldürüldü – SAVAŞ ŞİDDƏTLƏNDİ
Ukraynanın Sumı vilayətinin Axtırka şəhərində rus hərbçilərinin artilleriya atəşi nəticəsində hərbi hissədə 70 ukraynalı döyüşçü həlak olub.
“Qərb Xəbər” məlumat verir ki, bu barədə Sumı Regional Dövlət Administrasiyasının sədri Dmitri Jivitski məlumat verib.
“Dünən düşmən artilleriyası hərbi hissəni əhatə edib. Dağıntılar altından cəsədləri çıxarmaqda davam edirlər. Dövlət Fövqəladə Hallar Xidməti, könüllülər işləyir. Çoxlu ölü var. İndi ölən 70 Ukrayna əsgərinin dəfn edilməsi üçün qəbiristanlıqda yerlər hazırlayırlar”, – Jivitski bildirib.
Bununla yanaşı, Jivitski Rusiya tərəfdən də böyük itkilərin olduğunu vurğulayıb:
“Şəhərdə çoxlu rus cəsədi var idi, biz onları toplayırıq. Qızıl Xaç Cəmiyyətinin əməkdaşları onları evlərinə aparır”. / qafqazinfo
