Ərdoğan: “Türkiyə ilə İran terrora qarşı birgə mübarizə aparmalıdır”
PKK-YPG, FETÖ və digər terror təşkilatları həm Türkiyə, həm də İranın baş bəlasıdır.
Bu barədə Türkiyə Prezidenti Rəcəb Tayyib Ərdoğan Tehranda iranlı həmkarı İbrahim Rəisi ilə birgə mətbuat konfransı zamanı deyib.
O qeyd edib ki, iki ölkə bu terror təşkilatlarına qarşı birgə mübarizə aparmalıdır. Ərdoğan Türkiyə və İranın müdafiə sənayesi, neft-qaz sahəsində də əməkdaşlığı artırmaq üçün potensialın olduğunu əlavə edib.
Türkiyə Prezidenti Tehranda Türkiyə, İran və Rusiya liderlərinin Astana prosesi çərçivəsində baş tutacaq iclasının da önəmli olduğunu vurğulayıb.
