Zelenski: Rusiya bütün Ukraynanı tutub, bundan….

Rusiya sülhə razılaşmaq istəmir. Bu gün Rusiya Prezidenti Vladimir Putin kifayət qədər rahat vəziyyətdədir – o, mütləq gücə malikdir, lakin hər şeyi çox tez itirə bilər.

Qerbxeber.com Axar.az-a istinadən xəbər verir ki, bu sözləri Ukrayna Prezidenti Volodimir Zelenski Fransanın “Le Point” nəşrinə müsahibəsində deyib.

O qeyd edib ki, hətta sovet dövründə də heç kimin əlində Putin qədər səlahiyyət olmayıb:

“Putin hakimiyyəti əlində saxlamaqla həyatını xilas edir. O, iqtisadiyyata fikir vermir. Təbii ki, onun resursları var”.

Zelenski əlavə edib ki, Rusiyanın bir çox regionlarında, xüsusən də kəndlərdə insanlar maddi problemlərlə üzləşirlər:

“Dünyanın ən zəngin torpağının, dünyanın ən böyük ərazisinin bütün sərvətləri bu gün kiçik bir çevrənin nəzarətindədir”.

Zelenski vurğulayıb ki, Putin bütün Ukraynanı ələ keçirə bilsə, ondan tramplin kimi istifadə edəcək.