Zelenski: Bayramınız mübarək, böyük ölkənin böyük xalqı!

Ukrayna Prezidenti Volodimir Zelenski Müstəqillik Günü münasibətilə xalqa müraciət edib.

Qerbxeber.com xəbər verir ki, o, “Teleqram” kanalında paylaşdığı mesajında ölkənin gələcəyinə inam və mübarizənin dəyərindən danışıb.

“Biz elə bir Ukrayna qururuq ki, onun kifayət qədər gücü və qüdrəti olsun, təhlükəsizlik və sülh şəraitində yaşasın. Elə bir Ukrayna ki, bu meydanda (Müstəqillik meydanında) öz bayraqları altında, öz torpağında bizim övladlarımız və nəvələrimiz Müstəqillik Gününü qeyd etsinlər. Sülh içində. Sakitlik içində. Gələcəyə inamla. Ukraynanı bu müstəqillik müharibəsində qoruyanlara, dayananlara, bacaranlara və qalib gələnlərə hörmət və minnətdarlıqla”, – Zelenski bildirib.

Prezident əlavə edib ki, belə bir məqsəd naminə yaşamağa dəyər:

“Bunun üçün biz dayanırıq. Bayramınız mübarək, böyük ölkənin böyük xalqı! Müstəqillik Gününüz mübarək! Yaşasın Ukrayna!”