Ukrayna Prezidenti Volodimir Zelenski bu gün Avropa ölkələrinə səfər edib.
İlk olaraq Londona gedən Prezident Zelenski,Böyük Britaniyanın Baş naziri Kir Starmerlə danışıq aparıb.Daha sonra, Ukrayna Prezidentinin NATO Baş katibi Mark Rutte ilə görüşü baş tutub.
Ukrayna Prezidenti Volodimir Zelenski Fransanın paytaxtı Parisə gedib.
Qerbxeber.com APA-ya istinadən bildirir ki, onu “Yelisey” Sarayının qarşısında fransalı həmkarı Emmanuel Makron qarşılayıb.
Daha sonra hər iki lider danışıqlar üçün sarayın əsas qapısından içəri daxil olublar.
Qeyd edək ki, oktyabrın 11-də V. Zelenskinin Almaniya paytaxtı Berlində kansler Olaf Şolts və Prezident Frank-Valter Ştaynmayerlə danışıqları nəzərdə tutulur.
