Martın 27-də Parisdə Ukrayna ətrafındakı vəziyyəti müzakirə etmək üçün bir neçə ölkə liderləri bir araya gələcək.
Teleqraf xəbər verir ki, bu gün Parisdə Ukraynaya dəstək verən Könüllülər koalisiyasının sammiti keçiriləcək.
Sammit iştirakçıları bundan sonrakı addımları müzakirə etmək niyyətindədirlər.
Bu məqsədlə Ukrayna Prezidenti Volodimir Zelenski Parisə səfərə gedib və sammitdən əvvəl onun fransalı həmkarı Emmanuel Makronla görüşü olub.
Yelisey sarayında keçiriləcək zirvə görüşü təhlükəsizlik təminatı üçün Avropa İttifaqı və NATO müttəfiqlərinin qatıldığı üçüncü toplantı olacaq.
Sammitdə Aİ ölkələri ilə yanaşı, İngiltərə, Kanada, Norveç və Türkiyə daxil, 31 ölkənin lideri iştirak edəcək.
Görüş zamanı Rusiya ilə mümkün sülh razılaşmasından sonra Ukraynaya sülhməramlıların göndərilməsi və Qara denizdəki təhlükəsizlik kimi mövzular ətrafında müzakirələr aparılacaq.
