Ukrayna ordusu son sutkada Rusiyanın 12 “Shahed” PUA-nı məhv edib

Ukrayna ordusu ötən sutkada Rusiyanın İran istehsalı olan 12 “Shahed” pilotsuz uçuş aparatını (PUA) məhv edib.

“Qərb Xəbər” xəbər verir ki, məlumatı Ukrayna Silahlı Qüvvələrinin Baş Qərargahı yayıb.

Rusiya Krasnodar diyarının Primorsk-Axtarsk şəhərindən Ukraynanın cənub-şərq bölgəsinə 18 PUA buraxıb. Ukrayna Hava Hücumundan Müdafiə Qüvvələri onların 12-sini zərərsizləşdirib.

Bundan başqa, Ukrayna ordusu son sutkada Rusiyanın 510 hərbçisini məhv edib. Bununla da Ukraynada müharibə başlayandan indiyədək məhv edilən Rusiya hərbçilərinin sayı 232 810-a çatıb.

Ümumilikdə Rusiyanın digər döyüş itkiləri 4 070 tank, 7 944 zirehli maşın, 3 652 operativ-taktiki PUA, 4 330 artilleriya sistemi, 408 hava hücumundan müdafiə sistemi, 315 təyyarə, 309 helikopter, 6 898 avtomobil və tanker, 658 reaktiv yaylım atəş sistemi, 612 xüsusi texnikadan ibarətdir.