Gürcüstan və Türkiyə tırları günlərdir “Sınıq körpü” sərhəd-keçid məntəqəsində gözlədilir. Tırların sərhəd-keçid məntəqəsindən nə zaman keçib-keçməyəcəyi bəlli deyil.
“Qərb Xəbər”in reportyor qrupu məsələni araşdırmaq üçün “Sınıq körpü”də olub, tır sürücülərinin şikayətlərini dinləyib.
Sürücülər əsas problem kimi əlaqədar qurumların onların suallarını cavabsız qoymalarını göstərirlər.
Sürücülər onu da vurğulayırlar ki, Rusiya-Ukrayna müharibəsi də onların işinə təsir edir. Belə ki, tırların hərəkət etdiyi marşrut üzrə sərhədlərin bağlı olduğu bildirilir.
Sərhəddə gözlədilməklə yanaşı, maddi baxımdan da ziyana düşürlər. Bildirirlər ki, günə azı 30 manat xəcləri çıxır.
Məsələ ilə bağlı “Sınıq körpü” sərhəd-keçid məntəqəsinin rəhbərliyindən də açıqlama almağa çalışdıq, lakin hər hansı bir cavab ala bilmədik.
Məsələni diqqətdə saxlayacağıq.