Türkiyədə Kartalkaya Xizəkçilik Mərkəzində çıxan yanğında 76 nəfər həyatını itirdi-Yenilənib

Türkiyədə Bolu bölgəsində yerləşən Kartalkaya xizəkçilik mərkəzində baş verən yanğın nəticəsində ölənlərin sayı 76-ya çatıb.

Qerbxeber.com “NTV“-yə istinadən xəbər verir ki, bu barədə Türkiyənin daxili işlər naziri Ali Yerlikaya bildirib.

Nazirin sözlərinə görə, yanğınla əlaqədar 9 nəfər saxlanılıb.

*********

Türkiyədə Bolu bölgəsində yerləşən Kartalkaya xizək kurortu ərazisindəki hotellərdən birində yanğın baş verib.

Qerbxeber.com NTV-yə istinadən xəbər verir ki, yanğın nəticəsində 66 nəfər ölüb, 51 nəfər yaralanıb.

Vəfat edənlərdən ikisi hündürlükdən atladıqları üçün ölüb. Hadisə barədə hüquq-mühafizə orqanları istintaqa başlayıb. 4 nəfər saxlanılıb.

Bu gün  Türkiyə Nazirlər Kabinetinin iclasında Prezident R.T.Ərdoğan 1 günlük matəm elan edib.