Azərbaycanın pandemiya dövründə açıq olan yeganə quru sərhəddi Naxçıvan Muxtar Respublikası üzərindən idi. Lakin son 2 gündür ki, Azərbaycanın tərəfinin oktyabrın 1-nə qədər sərhədi bağladığı xəbərləri yayılıb. Bu günlərdə isə İranın Azərbaycandakı səfiri yolun açıq olduğunu qeyd etdi. “Qərb Xəbər” bu məsələ ilə bağlı hazırda Sədərəkdə olan media üzrə ekspert Emin Hüseynzadə ilə danışıb.
E.Hüseynzadə yolun bağlı olduğunu bildirdi.
“Bəli, yollar bağlıdır. Səbəb olaraq isə pandemiyanı göstərirlər. Türkiyə və Ermənistan arasında quru yollarının açılması müzakirələrinin getdiyi bir vaxtda Azərbaycanın bu addımını etiraz hesab etmirəm. Çünki, bu danışıqların getməsi yolun açılması məsələsi deyil. Məncə ,yollar 3-cü tərəfin vətəndaşları üçün açırlar. Ona görə də Türkiyə və Ermənistan arasındakı sərhədlərin açılması elə də asan məsələ deyil. Hesab edirəm ki, bu məsələdə Türkiyə Azərbaycanla məsləhətləşəcək. Yəqin bu hadisəyə səbəb dedikləri kimi pandemiyadır”.
