Tovuzda tonlarla yun həyətlərdə qalıb

Tovuzda yun istehsalı ilə məşğul olan sahibkarlar çətinliklə üzləşiblər. Onlar məhsulu çox ucuz qiymətə satdıqlarından gileylənirlər. “Qərb Xəbər”in XəzərTv-yə istinadən məlumatına görə, deyirlər ki, yunun bir kiloqramını 20-50 qəpik arasında sata bilirlər. Bu isə onlara sərf etmir.

Təsərrüfat  sahibləri deyirlər ki, yun istehsalı üçün sərf etdikləri vəsaiti geri qaytara bilmirlər. Qoyun qırxımı may ayında həyata keçirilir. Bir xırdabuynuzlu heyvandan təxminən iki-üç kiloqramadək yun götürmək olur.

Təsərrüfat sahibləri yun qəbulu məntəqələrinin yaradılmasını istəyirlər. Hesab edirlər ki, belə məntəqələr fəaliyyətə başlasa, bu sahəyə maraq artar.