Tovuzda evə ildırım düşüb
Dünən Tovuzda evə ildırım düşüb.
‘Qərb Xəbər’in məlumatına görə, hadisə rayonun Eldəniz Quliyev küçəsi, ikinci dalanda qeydə alınıbGüclü yağışdan sonra rayon sakini Elnur Bağırova məxsus evə ildırım düşüb. İldırım nəticəsində, evin dam örtüyü alovlanıb. Dərhal əraziyə Fövqəladə Hallar Nazirliyinin Yanğından Mühafizə Xidmətinin Tovuz Yanğından Mühafizə Hissəsinin iki yanğınsöndürən avtomobili və 15 nəfər canlı qüvvəsi cəlb olunub. Alov söndürülüb, evin digər hissələri yanğından mühafizə olunub.
Əraziyə təcili tibbi yardım briqadası da cəlb edilib. Hadisə zamanı evdə heç kim olmadığından xəsarət alan olmayıb.
