Ağdam Musiqi Kollecinin tələbələrinin iştirakı ilə Ağdam Muğam Mərkəzində Konsert keçirilib.
“Bölgənin Səsi” xəbər verir ki, Azərbaycan Gənclər Fondunun dəstəyi ilə keçirilən “Torğağın Səsi” layihəsi çərçivəsində keçirilən konsertin əsas məqsədi Ağdam Musiqi Kollecində təhsil alan istedadlı gənclərin ictimaiətə tanıdılması və onlarda səhnə vərdişlərinin inkişaf etdirilməsi olub.
Layihə rəhbəri Elnur Səlimovun verdiyi məlumata görə, əsas repertuarı muğam və xalq mahnıları olan konserti təxminən 200-dən artıq tamaşaçı izləyib.
Tamaşaçılar arasında Ağdam rayon İcra Hakimiyyətinin nümayəndələri, o cümlədən Ağdam İcra Hakimiyyətinin başçısı cənab Vaqif Həsənov, Ağdam Musiqi Kollecinin müəllim və tələbə kollektivi, həmçinin məktəbin direktoru cənab Rəfail Musayev, rayon ictimaiəti valideyinlər və digər qonaqlar iştirak edib.
İki saat davam edən konsert məktəbin birləşmiş xor və orkestr kollektivinin çıxışı ilə başladı və soslo ifaları ilə davam etdi. Sonda Kollecin direktoru Rəfail müəllim konsert münasibətilə bütün kollektivi təbrik etdi və daha böyük konsertlə imza atmaq arzuladı həmçinin bütün məktəb kollektivi və ifaçılarla xatirə şəkilləri çəkdirdilər.