Slovakiya Ukraynaya hərbi yardım edəcək

Slovakiya hökumətində Robert Fitsonun hakimiyyətə qayıtmasından bəri ilk dəfə Ukraynaya yeni hərbi dəstək paketinin ayrılacağı elan olunub.

Qerbxeber.com  APA-ya istinadən xəbər verir ki, bu barədə Slovakiya vitse-prezidenti və müdafiə naziri Robert Kalinyak Kiyevdə keçirilən Beynəlxalq Müdafiə Sənayeləri Forumunda bildirib.

“Çox məmnunluqla bildirirəm ki, nazir Şmıgal ilə birlikdə biz 14-cü dəstək paketi üzrə memorandum imzalamışıq. Bu paket Slovakiyanın Ukraynaya mühəndislik və mina əleyhinə yardım göstərməsini nəzərdə tutur,” – Kalinyak bildirib.

O əlavə edib ki, Kiyevdəki danışıqlar zamanı müdafiə əməkdaşlığının genişləndirilməsi üçün mümkün layihələr müzakirə olunacaq.

Kalinyak həmçinin bildirib ki, Slovakiya Baş naziri Robert Fitsonun Ukrayna Prezidenti Zelenski ilə son görüşündə müdafiə əməkdaşlığı gələcək hökumətlərarası iclasın əsas mövzularından biri kimi müəyyən edilib.