Samirə Bayramovanın təhdid edilməsi ilə bağlı cinayət işi başladıldı

Rusiya yönlü “Mühafizakarlar Hərəkatı” partiyasının ictimai fəal Samirə Bayramovaya qarşı səsləndirdikləri təhdidlə bağlı o, polisə müraciət edib.

“Qərb Xəbər”  məlumat verir ki, bu barədə məlumatı 24News.ge xəbər portalına S. Bayramovanın özü təsdiqləyib. Onun sözlərinə görə, aldığı təhdidlərlə bağlı artıq Cinayət Məcəlləsinin 151-ci maddəsi ilə istintaq başladılıb. O həmçinin bildirir ki, “Mühafizakarlar Hərəkatı” partiyasının nümayəndələrinin Marneulidə çəkdikləri və hədə-qorxunu əks etdirən video müraciət üçün də artıq aidiyyatı orqanlara müraciət edilib. S. Bayramova onun haqlarını “Gürcüstan Hüquqşünaslar Assosiasiyası”nın qoruduğunu və sabah vəkili ilə birgə polis bölməsinə gedəcəklərini bildirib.

Xatırladaq ki, Rusiya yönlü “Konservativ Hərəkat” (Mühafizakarlar) partiyasının nümayəndələri Marneuliyə gələrək ictimai fəal Samirə Bayramovanı, “Vahid Milli Hərəkat” və “Avropalı Gürcüstan” partiyasının yerli nümayəndələrini hədələyiblər.