Şəmkir rayonunun Dəllər-Daşbulaq kəndini qonşu – Keçili, Qaranüy, Dəllər-Cəyir, Dəllər-Cırdaxan kəndləri ilə birləşdirən yolda abadlıq işləri aparılıb.
Bu barədə Şəmkir sakinlərinin redaksiyamıza ünvanladığı məktubda deyilir ki, dörd kəndin sakinlərinin hərəkət etdiyi yolda yaranmış problem kənd icma üzvləri tərəfindən aradan qaldırılıb.
Belə ki, yağış yağanda palçıqdan keçilməz olan yol buldozerlə düzləşdirilib, lazımi yerlərə xırda çay daşları verilib.
İki həftə öncə kənd icma üzvləri “Qərb Xəbər” saytının vasitəsilə yolda yaranmış problemin həll olunması üçün əlaqədar qurumlara müraciət etmişdi.