Şəmkirdə avtomobil təmiri emalatxanasında yanğın olub

Şəmkirdə yanğın hadisəsi baş verib.

Qerbxeber.com APA-ya istinadən xəbər verir ki,hadisə rayon ərazisində fəaliyyət göstərən avtomobil təmiri sexlərinin birində qeydə alınıb.

Sexdə yanğın anidən başlayıb. Dərhal hadisə yerinə FHN Dövlət Yanğından mühafizə xidmətinin Şəmkir rayon Dövlət Yanğından mühafizə hissəsinin yanğınsöndürən avtomobilləri və canlı qüvvəsi cəlb olunub.

Yanğın zamanı avtomobil təmir sexinin lambirindən ibarət tavan hissəsi yanıb.

Faktla bağlı araşdırma aparılır.