Şəhid Orxan Sarvan oğlu Babayev anılıb
Azərbaycanın ərazi bütövlüyü uğrunda şəhid olmuş Orxan Sarvan oğlu Babayev anılıb.
“Qərb Xəbər”in məlumatına görə, Orxan Babayev 17 aprel 2001-ci ildə Ağstafa rayonunun Qarahəsənli kəndində anadan olub. Azərbaycan Ordusunun əsgəri 2020-ci il sentyabrın 27-də Azərbaycan Silahlı Qüvvələri tərəfindən işğal altında olan ərazilərin azad edilməsi və ölkənin ərazi bütövlüyünün bərpa olunması üçün başlanan Vətən müharibəsi zamanı Füzulinin və Xocavəndin azadlığı uğrunda döyüşüb. Orxan Babayev noyabrın 9-da Xocavənd döyüşləri zamanı şəhid olub.
Şəhid Orxan Babayev Azərbaycan Respublikası Prezidentinin Sərəncamına əsasən, “Vətən uğrunda” “Xocavəndin azad olunmasına görə”, “Füzulinin azad olunmasına görə” və “Cəbrayılın azad olunmasına görə” medalları ilə təltif olunub.
“Gənc Qazilər” İB-nin Qazax filialı şəhidin məzarını ziyarət edib ruhuna ehtiramlarını bildiriblər.
Röyal İslam, Qərb Xəbər
Bu gün paylaşılan digər xəbərlər
Bu gün heç bir yeni xəbər yayımlanmadı