Rusiya Slovakiyanın üç diplomatını ölkədən çıxarır
Slovakiyanın Moskvadakı səfiri Lubomir Reqak Rusiya Xarici İşlər Nazirliyinə (XİN) çağırılıb.
Qərb Xəbər Rusiya XİN-ə istinadən xəbər verir ki, Rusiya Slovakiyadakı xarici nümayəndəliklərin işindəki maneələr və onların təhlükəsiz fəaliyyətinə təhdidlər səbəbindən Bratislavaya etiraz edib.
Eyni zamanda, Moskva mart ayında Rusiyanın Slovakiyadakı səfirliyinin üç əməkdaşının ölkədən çıxarılmasına cavab olaraq, Slovakiyanın Rusiyadakı səfirliyinin üç diplomatını “persona non qrata” elan etmək qərarına gəlib.
“Səfirə sərt şəkildə bildirilib ki, Slovakiyada sovet əsgərlərinin xatirə abidələrinə və dəfn yerlərinə qarşı son zamanlar tez-tez baş verən vandalizm yolverilməzdir. Həmçinin Rusiya tərəfinin mart ayında Rusiyanın Slovakiyadakı səfirliyinin üç əməkdaşının ölkədən çıxarılmasına cavab olaraq, Slovakiyanın Moskvadakı səfirliyinin üç diplomatını “persona non qrata” elan etmək qərarına gəlib”, – Rusiya XİN-dən bildiriblər.
