Qazaxda yol-nəqliyyat hadisəsi baş verib.
“Qərb Xəbər” bildirir ki, hadisə rayonun Aslanbəyli kəndində qeydə alınıb.
Qazax- Kəmərli marşurutu üzrə hərəkətdə olan kiçik tutumlu sərnişin avtobusu idarəetməni itirərək aşıb.
Qəza nəticəsində 7 nəfər – Əhmədov Səməd (2005) Lenanov Elçin (2005), Həsənova Ülviyyə (2001), Həkimova Cəmalə (1988), Rəhimova Şəfiqə (2004), Məmmədova Solmaz (2006), Muradova Nurlanə (2002) xəsarət alıb.
Onlar Qazax Mərkəzi Rayon Xəstəxanasına aparılıblar. Xəsarət alanlardan birinə ambulator müalicə göstərilib. Daha 6 nəfərin müalicəsi isə davam etdirilir.
Hadisə yerinə DYP əməkdaşları cəlb olunub.
Faktla bağlı araşdırma aparılır.
.
