Qazaxda kümçülərə 73 qutu ipəkqurdu toxumu paylanılıb

“Cari ildə kümçülər tərəfindən 2800 kq yaş baramanın istehsalı nəzərdə tutulub. İkinci Şıxlı, Birinci Şıxlı, Yuxarı Salahlı, Aslanbəyli, Kəmərli, Qaymaqlı, Aşağı Salahlı, Orta Salahlı, Kosalar, Hüseynbəyli, Çaylı, Daş Salahlı, Xanlıqlar, Alpout, Dəmirçilər, Cəfərli kəndləri üzrə barama yetişdirən kümçülərə 73 qutu ipəkqurdu toxumu paylanılıb”.

“Qərb Xəbər”in xəbərinə görə, bu barədə məlumatı Qazax Rayon İcra Hakimiyyəti yayıb.

Mayın 11-də Qazax Rayon İcra Hakimiyyətinin  nümayəndələri  rayonda ipəkqurdu toxumu paylanılmış Aşağı Salahlı, Çaylı, Kosalar, Hüseynbəyli, Cəfərli, Xanlıqlar kəndlərində olub, ipəkqurdu toxumunun saxlanma şəraiti ilə tanış olublar.

Rayon rəhbərinə məlumat verilib ki, ipəkqurdu toxumunu yetişdirmək üçün əvvəlcədən tələb olunan bütün hazırlıq işləri görülüb, otaqlar lazımi istiliklə təmin edilib. Yem bazası da kifayət qədərdir.

Kəndlərdə barama yetişdirən kümçülər cari ildə də mütəxəssislərin məsləhətlərindən yararlanaraq daha çox məhsul istehsal etməyi qarşıya məqsəd qoyduqlarını söyləyiblər.

Bu il artıq yeddinci ildir ki, Qazaxda ipəkqurdu bəslənilir.