Qazax sakini Kəmərli gölündə batdı

Qazax rayonunda bədbəxt hadisə baş verib.

Qerbxeber.com -un məlumatına görə, hadisə rayonun Kəmərli kəndində qeydə alınıb.

Kənd  sakini 69 yaşlı Əli Rəhimov  övladı və nəvələri ilə Kəmərli kəndində 1985-ci ildə inşa edilmiş gölün kənarında gəzişərkən  ayağı sürüşərək gölə düşüb.  Kənd sakinlərinin Qerbxeber-ə söylədiklərinə görə həmin vaxt, Əli Rəhimovun yanında nəvələri olub. Oğlu gölün başqa səmtində olub. Uşaqların kömək çağırışlarına yaxınlıqda balıq tutan sakinlər gəlsə də, artıq gec olub və Əli kişi həyatını itirib.

Meyit balıqçılar tərəfindən sudan çıxarılaraq ailəsinə təhvil verilib.

Bizim şərh:

Kəmərli kəndində  hadisə baş verən  bu göl, Sovet rəhbərliyi tərəfindən Kəmərli meşələrinin Ermənistana verilməsindən sonra ,1985-ci ildə inşa edilib.Qeyd edək ki, indiyə qədər 3-4 nəfər kənd sakini bu göldə batıb.