Qazax rayon Polis Şöbəsinin əməkdaşları turnirdə iştirak ediblər

Qalib polislər mükafatlandırılıb.
23-24 iyul tarixlərində Göygöl rayon Olimpiya idman kompleksində “DİN-in silahsız özünü müdafiə üzrə bölgə yarışları” turniri keçilib. Beş çəki üzrə keçirilən turnirdə zona üzrə 18 Rayon Polis Şöbəsinin 72 əməkdaşı öz gücünü sınayıb.
“Qərb Xəbər” məlumat verir ki, keçirilən yarışlarda Qazax rayon Polis Şöbəsinin əməkdaşları da iştirak ediblər. Əməkdaşlardan üçü öz çəki dərəcəsində fəxri kürsünün sahibi olub. Onlar 85 kq çəkidə çıxış edən RPŞ-nin Post-Patrul Bölüyünün taqım komandiri Kənan Qənbərov birinci yer, 95 kq çəki dərəcəsində PPXB-nün polis nəfəri, polis serjantı Babək Bənnayev ikinci yer və 90 kq artıq çəki dərəcəsi üzrə RPŞ-nin Kadrlar qrupunun kiçik inspektoru Natiq Novuroz isə üçüncü yerin sahibi olub.
Qazax rayon Polis Şöbəsində yarışda yer tutan polis əməkdaşları ilə görüş keçirilib. Tədbirdə çıxış edən rayonun polis şöbəsinin rəisi, polis polkovniki Sənan Əsədov cümhiriyyətin yaranmasının Azərbaycanın dövlətçilik tarixində mühüm yer tutduğuna diqqət çəkib. 28 mayın ilk azadlığın, müstəqilliyin qazanıldığı, səsimizin dünyaya çatdırıldığı, hər bir azərbaycanlının milli qürur hissi duyduğu bir tarix olduğunu bildirib. Belə əlamətdar tarix münasibətilə təşkil edilən yarışın əhəmiyyətini vurğulayıb. Yarışda yer tutan polis əməkdaşları şöbə rəhbərliyi tərəfindən mükafatlandırılıb.