“Qarabağ”ın yeni transferi Bakıya gəlib
“Qarabağ” klubunun İngiltərə “Bornmut”undan icarəyə götürdüyü qapıçı Asmir Beqoviç artıq Azərbaycandadır.
Klubun rəsmi saytının məlumatına görə, bosniya və herseqovinalı qolkiper bu gün səhər saatlarında London – Bakı reysi ilə gəlib.
Heydər Əliyev Beynəlxalq Aeroportunda bir qrup azarkeş qarşılayıb. 32 yaşlı oyunçunun sabahdan yeni komandası ilə məşqlərə başlayacağı gözlənilir. Onun adı UEFA Avropa Liqasının qrup mərhələsinin oyunları üçün sifariş olunub.
Qeyd edək ki, Asmir Beqoviç “Bornmut”dan bu ilin sonunadək icarəyə götürülür.
